Xitoy Hindiston bilan chegaraga aviatsiya, J-20 stels-qiruvchi samolyotlari, Z-20 vertolyotlari, Wing Loong II dronlari, shuningdek, baland qoyali tog‘larda ishlatishga mo‘ljallangan Type 99 A hamda Type 15 yengil tanklarini yubordi. Bu haqda South China Morning Post nashri xabar qilgan.
Reuters axborot agentligining AQShning Maxar Technologies sun’iy yo‘ldosh kompaniyasi suratlariga asoslanib bergan xabariga ko‘ra, Xitoy harbiylari Ladox yaqinida yangi harbiy lager qurmoqda, ushbu hududga bir necha yillardan beri Hindiston, Pokiston va Xitoy da’vogarlik qilayotgan edi.
Koinotdan olingan tasvirlarda Xitoy armiyasi nazorat qilayotgan hududda chodirlar paydo bo‘lgani, bir hafta avval bu yerda bo‘lmagan obyektlar qurila boshlagani aks etgan.
Xitoy askarlari avval kuzatuv punkti bo‘lgan va Hindiston armiyasi obyektni buzib tashlagan manzilda pulemyotlar o‘rnatish uchun lager shakllantirmoqda.
O‘z navbatida Hindiston hukumati nazorat chizig‘ida xitoyliklar bilan to‘qnashuv sodir bo‘lsa, ogohlantirishsiz o‘t ochishga ruxsat bergan.
Izoh (0)