Ukrainada so‘nggi 20 yildagi eng kuchli suv toshqini ro‘y berdi. Toshqinlarga o‘rmonlarning kesilishi sabab bo‘lgan

Ukrainaning Ivano-Frankovsk viloyati prokuraturasi tomonidan tergov versiyasiga ko‘ra, mamlakat g‘arbida suv toshqinlariga sabab bo‘lgan o‘rmondagi daraxtlarning noqonuniy kesilishi holati bo‘yicha jinoyat ishi qo‘zg‘atiladi.

Ta’kidlanishicha, jinoyat ishi o‘simlik yoki hayvonot olamini ommaviy yakson qilish moddasi bo‘yicha qo‘zg‘atilgan bo‘lib, bu 15 yilgacha ozodlikdan mahrum qilish jazosini o‘z ichiga oladi.

Prokuraturaning hisoblashicha, yirik suv toshqinlari atrof-muhit himoyasi va qishloq xo‘jaligi faoliyatini tegishli tartibda ta’minlab bermagan amaldorlar sabab ham sodir bo‘lgan.

Iyun oyidagi yog‘ingarchiliklar sabab Ivano-Frankovsk, Chernovisk, Lvov, Karpatorti va Ternopol viloyatlarida suv toshqinlari yuzaga kelgan. Eng katta zararni 22—23-iyun kunlari ikki oylik normadan ko‘proq yog‘gan yomg‘irlar sabab Ivano-Frankovsk viloyati ko‘rgan. “Ukrgidrometsentr”ning ma’lum qilishicha, bu kabi yog‘ingarchilik so‘nggi 20 yildan buyon birinchi bor kuzatilgan.

На Західній Україні паводки. Затопленими залишаються 165 населених пунктів. Синоптики кажуть, що інтенсивність опадів буде знижуватися відсьогодні, але вода у річках почне спадати через один-три дні. Дивіться, що відбувається у західних областях https://t.co/UzDgHxwaWH

— hromadske (@HromadskeUA) June 24, 2020

Prokuratura ma’lumotlariga ko‘ra, suv toshqini oqibatida 3 kishi halok bo‘lgan, 10 mingdan ortiq uy suv ostida qolgan, 150 kilometrga yaqin yo‘l va 90 ta ko‘prik vayron bo‘lgan.

25-iyun kuni Ukraina prezidenti Ivano-Frankovskka kelib, jabrlangan aholi bilan uchrashgan.

Avvalroq Moskva janubi kuchli yomg‘irdan so‘ng suv ostida qolgani to‘g‘risida xabar berilgandi.