Буюк Британиянинг Глазго шаҳри марказида юз берган ҳодиса оқибатида уч киши вафот этди ва яна тўрт киши жароҳат олди. Бу ҳақда BBC News хабар берди.
Дастлабки маълумотларга кўра, номаълум киши пичоқ билан шаҳарнинг Уэст Жорж кўчасида жойлашган Park Inn меҳмонхонаси олдидаги одамларга ҳужум қилган.
Ҳужум қилган эркак полиция томонидан отиб ташланган. Жароҳат олганлар орасида бир нафар полициячи ҳам бор.
Айни пайтда шаҳар маркази ёпилган. Ҳодисанинг бошқа тафсилотлари ҳозирча номаълум.
Эслатиб ўтамиз, Англия жануби-шарқидаги Рединг шаҳрида 20 июнь куни кечаси 25 ёшли Ливан фуқароси уч кишини пичоқлаб ўлдирганди. Полиция жиноятчини зудлик билан қўлга олишга муваффақ бўлган.
Изоҳ (0)