Olimlar PZR-testlari salbiy natija ko‘rsatsa ham koronavirus oqibatida vafot etayotganlar haqida ma’lum qildi

Moskvada koronavirus oqibatida vafot etgan 3,5 ming marhumni o‘rganish jarayonida ularning 20 foizida COVID-19 uchun olingan testlar salbiy chiqqan. Bu haqda biologiya fanlari doktori, Klinik laboratoriya tadqiqotlarining tashqi sifat nazorati markazi direktori Vladimir Malaxov Boston Consulting Group (BCG)ga tayanib, ma’lum qildi.

“Moskvada koronavirus oqibatida vafot etgan 3,5 ming marhumni o‘rganish jarayonida laboratoriya natijalari ularda COVID-19 yo‘qligini ko‘rsatdi”, — deydi Malaxov.

Iyun oyida BCG “Moskva va boshqa megapolis hamda davlatlar pandemiyaga qarshi” nomli hisobotni e’lon qilgandi. Unda aprel va may oylarida PZR-testlar orqali tasdiqlangan koronavirus infeksiyasi oqibatida 2960 kishi vafot etgan. Ushbu davr oralig‘ida mazkur testlarsiz esa 602 ta o‘lim holati qayd etilgan, biroq ushbu bemorlarda ham koronavirus belgilari kuzatilgan.

Shunday qilib, aprel—may oylarida koronavirus infeksiyasi oqibatida 3562 kishi vafot etgan bo‘lib, PZR-testisiz qurbonlar soni 16,9 foizga teng. BCG’ning ta’kidlashicha, hisobotda keltirilgan ma’lumotlar ommaga e’lon qilingan ma’lumotlar va ekspertlarning intervyularida asosida tahlil qilingan.

Avvalroq Rossiya federal tibbiy-biologik agentligi rahbari Veronika Skvorsova ikkinchi qon guruhiga mansub kishilar boshqalarga nisbatan ko‘proq koronavirus bilan kasallanayotganini ma’lum qilgandi.