Xitoyda so‘nggi sutkada koronavirus bilan kasallanish bo‘yicha 13 ta va kasallik belgisiz o‘tayotgan 5 ta holat aniqlandi. Besh nafar bemorga shifoxonadan javob berilgan. Bu haqda Xitoy Sog‘liqni saqlash milliy komissiyasiga tayanib, “RIA Novosti” xabar berdi.
Ma’lumotlarga ko‘ra, aniqlangan holatlarning 11 tasi mamlakatning o‘zida, 2 tasi chetdan yuqtirilgan.
Bir kun avval koronavirus bilan kasallanish bo‘yicha 19 ta va kasallik belgisiz o‘tayotgan 1 ta holat aniqlangandi. Ularning aksariyati Pekinning Fentay hududidagi “Sinfadi” ulgurji bozori bilan bog‘liq bo‘lib, ayni paytda bozor yopilgan.
Mamlakatda umumiy hisobda 83 463 kishi koronavirusga chalingan, hozirga qadar 4634 bemor COVID-19 qurboniga aylangan. Hozirga qadar 78 439 kishi davolanishga muvaffaq bo‘lgan.
Mavzuga doir: Koronavirusni davolashga mo‘ljallangan ilk dori vositasining Yevropa Ittifoqida sotilishiga ruxsat berildi
Butun mamlakat bo‘ylab koronavirusga chalinganlar soni 12 602 kishiga, sog‘ayganlar esa 11 172 kishiga yetdi. COVID-19 qurbonlari soni esa 282 kishini tashkil etmoqda.
Avvalroq Seul va uning atrofidagi shaharlarda koronavirus bilan kasallanishning ikkinchi to‘lqini qayd etilgani to‘g‘risida xabar berilgandi. Janubiy Koreya Kasalliklar profilaktikasi va nazorati markazi (KCDC) rahbari Chon In Gyonning so‘zlariga ko‘ra, Seulda ikkinchi to‘lqin may oyining boshida boshlangan.
Avvalroq italiyalik olim koronavirusning ikkinchi to‘lqini kuzda yuz berishi mumkinligini taxmin qilgandi, JSST vakili esa pandemiyaning ikkinchi to‘lqini bo‘lmasligini ta’minlash mumkinligini bildirgandi.
Izoh (0)