“Manchester Yunayted” Angliya chempionatining 31-turidan o‘rin olgan uchrashuvda “Sheffild Yunayted”ni 3:0 hisobida mag‘lub etdi.
“Qizil iblislar”ning har uchala goliga ham hujumchi Antoni Marsyal mualliflik qildi. Bu Marsyal uchun ingliz klubi safidagi va umuman klub darajasidagi (284-o‘yin) ilk het-trik bo‘ldi.
Qayd etish joiz, “Manchester Yunayted”ning hech bir futbolchisi so‘nggi yetti yilda Premyer Liga doirasida het-trik qayd etmagandi (263 o‘yin). Bundan 7 yil avval, 2013-yilning aprel oyida Robin van Persi “Aston Villa” darvozasini uch bor ishg‘ol qilgandi.
Antoni Marsyal shu tariqa joriy mavsumda barcha musobaqalardagi gollari sonini 19 taga yetkazib oldi va o‘z shaxsiy rekordini yangiladi. Bungacha uning eng yaxshi natijasi (2015/16-yilgi mavsum) 17 ta golga teng edi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)