“Agrobank” pandemiya davrida masofaviy xizmatlar ko‘lamini kengaytirdi

24-iyun kuni “Agrobank” ATB tomonidan pandemiya davrida mijozlarga taqdim etilayotgan tezkor, qulay va masofaviy xizmatlar” mavzusiga bag‘ishlangan press-brifing o‘tkazildi. Brifing Uzreport telekanalida to‘g‘ridan to‘g‘ri efirga uzatilib, unda “Agrobank” rahbar xodimlari tomonidan pandemiya davrida bank tomonidan mijozlarga taqdim etilayotgan xizmatlar haqida batafsil ma’lumotlar berib o‘tildi. “Agrobank” rahbariyati anjuman davomida ishtirokchilar va ijtimoiy tarmoqlardan kelib tushgan barcha savollarga batafsil  javob berib o‘tdi.

“Agrobank” tomonidan karantin sharoitida mijozlarning bankka kelish imkoniyati cheklanganligini hamda qarzdorlarning kredit to‘lovlari bilan bog‘liq riskini yumshatish maqsadida yuridik hamda jismoniy shaxslarning kredit to‘lovlarini qaytarilishida ularga imtiyozli davr berish maqsadida jismoniy shaxslarga 2020-yilning 1-avgustgacha, yuridik shaxslar uchun esa 1-oktabrga qadar kredit ta’tillari joriy qilindi.Shuningdek, aprel, may, iyun hamda iyul oylarida muddati tugaydigan milliy va xorijiy valyutadagi omonatlarni avtomatik tarzda prolongatsiya qilish, ya’ni muddati joriy yilning 1-avgustiga qadar uzaytirildi. Bunda omonat foizlari o‘zgarishsiz qoladi va karantin muddati tugagandan so‘ng barcha oylarga hisoblangan foizlarni bir vaqtning o‘zida yechib olish mumkin.Yuridik shaxslar va yakka tartibdagi tadbirkorlar uchun banklararo pul o‘tkazmalarini onlayn amalga oshirish imkonini beruvchi ANOR tezkor to‘lovlar tizimi ishga tushirildi. To‘lovlarni kecha-yu kunduz va dam olish kunlarisiz amalga oshirish mumkin, bu ham o‘z navbatida mijozlarni ortiqcha bank binosiga tashrif buyurishini oldini oladi.Karantin davrida mobil ilova orqali Uzcard plastik kartadan Humo plastik kartalariga va aksincha Humo plastik kartadan va Uzcard plastik kartalariga mablag‘lar o‘tkazish imkoniyati yaratildi, komissiya miqdori o‘tkazma qiymatidan 1% dan 0,5% ga tushirildi.

Hozirgi kunda respublikada yagona bo‘lib kelayotgan yuridik shaxslar uchun onlayn kredit ham joriy etilgan. Bunda mijoz bankka murojaat qilmasdan, Agrobankmobile mobil ilovasi va Internet banking tizimi orqali atigi bir necha daqiqalarda kredit rasmiylashtirib o‘z hisob raqamiga o‘tkazishi mumkin.

Bundan tashqari, bankka murojaat qilmasdan turib mobil ilova orqali xalqaro pul o‘tkazmalari amalga oshirish xam joriy etilgan. O‘zbekistondan Uzcard va Humo so‘m plastik kartalaridan Rossiya Federatsiyasining “Sberbank” plastik kartalariga va aksincha, “Sberbank”ning Sberbank Online mobil ilovasi orqali “Agrobank” Uzcard va Humo so‘m plastik kartalariga to‘g‘ridan to‘g‘ri mablag‘ o‘tkazish mumkin. Bugungi kunga kelib ushbu xizmatdan 241 mingdan ortiq mijozlar foydalanib, kelib tushgan mablag‘lar hajmi 115 milliard so‘mga yetdi.

“Agrobank” ATB matbuot xizmati

Murojaat uchun tel: (71) 202-80-08 (ichki raqamlar – 11072, 11075)

Sayt: https://www.facebook.com/agrobankuzbekistan

Instagram: instagram.com/agrobank_uz

Telegram: https://t.me/AgrobankChannel

Telegram-bot: t.me/Agrobankuzbot

h.holturaev@agrobank.uz

s.umarova@agrobank.uz

Reklama huquqi asosida.