24 июнь куни «Агробанк» АТБ томонидан пандемия даврида мижозларга тақдим этилаётган тезкор, қулай ва масофавий хизматлар» мавзусига бағишланган пресс-брифинг ўтказилди. Брифинг Uzreport телеканалида тўғридан-тўғри эфирга узатилиб, унда «Агробанк» раҳбар ходимлари томонидан пандемия даврида банк томонидан мижозларга тақдим этилаётган хизматлар ҳақида батафсил маълумотлар бериб ўтилди. «Агробанк» раҳбарияти анжуман давомида иштирокчилар ва ижтимоий тармоқлардан келиб тушган барча саволларга батафсил жавоб бериб ўтди.
«Агробанк» томонидан карантин шароитида мижозларнинг банкка келиш имконияти чекланганлигини ҳамда қарздорларнинг кредит тўловлари билан боғлиқ рискини юмшатиш мақсадида юридик ҳамда жисмоний шахсларнинг кредит тўловларини қайтарилишида уларга имтиёзли давр бериш мақсадида жисмоний шахсларга 2020 йилнинг 1 августгача, юридик шахслар учун эса 1 октябрга қадар кредит таътиллари жорий қилинди.Шунингдек, апрель, май, июнь ҳамда июль ойларида муддати тугайдиган миллий ва хорижий валютадаги омонатларни автоматик тарзда пролонгация қилиш, яъни муддати жорий йилнинг 1 августига қадар узайтирилди. Бунда омонат фоизлари ўзгаришсиз қолади ва карантин муддати тугагандан сўнг барча ойларга ҳисобланган фоизларни бир вақтнинг ўзида ечиб олиш мумкин.Юридик шахслар ва якка тартибдаги тадбиркорлар учун банклараро пул ўтказмаларини онлайн амалга ошириш имконини берувчи АНОР тезкор тўловлар тизими ишга туширилди. Тўловларни кеча-ю кундуз ва дам олиш кунларисиз амалга ошириш мумкин, бу ҳам ўз навбатида мижозларни ортиқча банк биносига ташриф буюришини олдини олади.Карантин даврида мобил илова орқали Uzcard пластик картадан Humo пластик карталарига ва аксинча Humo пластик картадан ва Uzcard пластик карталарига маблағлар ўтказиш имконияти яратилди, комиссия миқдори ўтказма қийматидан 1% дан 0,5% га туширилди.
Ҳозирги кунда республикада ягона бўлиб келаётган юридик шахслар учун онлайн кредит ҳам жорий этилган. Бунда мижоз банкка мурожаат қилмасдан, Агробанкмобиле мобил иловаси ва Интернет банкинг тизими орқали атиги бир неча дақиқаларда кредит расмийлаштириб ўз ҳисоб рақамига ўтказиши мумкин.
Бундан ташқари, банкка мурожаат қилмасдан туриб мобил илова орқали халқаро пул ўтказмалари амалга ошириш хам жорий этилган. Ўзбекистондан Uzcard ва Humo сўм пластик карталаридан Россия Федерациясининг «Сбербанк» пластик карталарига ва аксинча, «Сбербанк»нинг Сбербанк Online мобил иловаси орқали «Агробанк» Uzcard ва Humo сўм пластик карталарига тўғридан-тўғри маблағ ўтказиш мумкин. Бугунги кунга келиб ушбу хизматдан 241 мингдан ортиқ мижозлар фойдаланиб, келиб тушган маблағлар ҳажми 115 миллиард сўмга етди.
«Агробанк» АТБ матбуот хизмати
Манзил: Тошкент шаҳар, Муқимий кўчаси, 43-уйМурожаат учун тел: (71) 202-80-08 (ички рақамлар – 11072, 11075)
Сайт: https://www.facebook.com/agrobankuzbekistan
Instagram: instagram.com/agrobank_uz
Telegram: https://t.me/AgrobankChannel
Telegram-bot: t.me/Agrobankuzbot
Реклама ҳуқуқи асосида.
Изоҳ (0)