Xorazm viloyati g‘allakorlari davlatga g‘alla topshirish rejasini ortig‘i bilan bajardi. Bu haqda viloyat hokimligi matbuot xizmati xabar bergan.
“Viloyatning 1294 ta fermer xo‘jaligi tomonidan 33 200 gektar ekin maydoniga g‘alla ekilib, agrotexnik qoidalar asosida parvarishlandi.
Davlat xaridi uchun shartnoma asosida jami 92,6 ming tonna, shundan 84,4 ming tonna tovar topshirish rejalashtirilib, amalda 86,8 ming tonna don topshirildi va reja 102,9 foizga bajarildi”, — deyilgan xabarda.
Shuningdek, hokimlik don yig‘ishtirib olinmagan g‘allazorlarda o‘rim-yig‘im ishlari davom etayotganini qayd etgan.
Mavzuga doir: O‘zbekistonda g‘allaning gektaridan 20 sentnerdan kam hosil olgan fermerdan yer olib qo‘yiladi
2020-yil fevral oyida O‘zbekistonda davlatga majburiy g‘alla sotish rejasi 35 foizga kamaytirilgan. Mart oyida esa O‘zbekistonda 2020-yildan paxtaga, 2021-yildan g‘allaga davlat xaridi narxini belgilash amaliyoti to‘liq bekor qilinishi haqida xabar berilgan.
Izoh (0)