O‘zbekistonda 22-iyun soat 23:00 holatiga ko‘ra, 60 kishida koronavirus aniqlandi. Yangi kasallanish holatlaridan so‘ng koronavirus infeksiyasi qayd etilgan fuqarolar soni 6461 nafarga yetdi. Bu haqda Sog‘liqni saqlash vazirligi xabar qildi.
- Yangi kasallanish holatlarining
- 49 tasi karantin markazidagi fuqarolar orasida;
- 6 tasi Toshkent viloyatida (shundan 5 tasi xalqaro yuk tashuvchi avtomashina haydovchilarida, 1 tasi aholi orasida);
- 5 tasi Toshkent shahrida (shundan 2 tasi koronavirusga chalinganlar bilan muloqotda bo‘lib, karantinga olingan fuqarolar orasida, 3 tasi esa aholi orasida) aniqlangan.
Ayni paytda O‘zbekistonda jami 4450 nafar koronavirus infeksiyasiga chalingan fuqarolar (69 foiz) kasallikdan sog‘aygan.
22-iyun holatiga ko‘ra, O‘zbekistondagi tibbiyot muassasalarida jami 1992 nafar bemor kasallikdan davolanmoqda. Hozirgacha 19 bemor kasallik asoratlaridan vafot etgan.
Izoh (0)