O‘zbekistonda 22-iyun soat 10:00 holatiga ko‘ra koronavirusga chalinganlar soni 43 kishiga ko‘payib, 6358 nafarga yetdi, deya xabar bermoqda Sog‘liqni saqlash vazirligi.
“Yangi kasallanish holatlarining barchasi Karantin markazidagi fuqarolar orasida aniqlangan”, — deyiladi vazirlik axborotida. Qayd etilishicha, ularning bari xorijdan kelgan fuqarolardir.
Qo‘shimcha qilinishicha, hozirda O‘zbekiston bo‘yicha 1962 nafar bemor koronavirus infeksiyasidan davolanishni davom ettirmoqda — ulardan 15 nafari og‘ir, 3 nafari esa o‘ta og‘ir ahvolda.
Eslatib o‘tamiz, O‘zbekistonda hozirgacha koronavirusga chalingan shaxslarning 4377 nafari sog‘aygan, 19 nafari esa kasallik asoratlari oqibatida vafot etgan.
Izoh (0)