Italiyaning “Fiorentina” klubi yarim himoyachisi Frank Riberi 2013-yilda “Oltin to‘p” sovrinini qo‘lga kirita olmaganidan hamon norozi ekanini bildirdi.
O‘shanda fransiyalik futbolchi “Bavariya” safida Germaniya chempionati, Kubogi va Superkubogida g‘alaba qozongandi. Shuningdek, u Chempionlar Ligasida ham bosh sovringa ega chiqqan.
“Men ‘Oltin to‘p’ni qo‘lga kiritishim uchun yana nima qilishim kerak edi? Agar klub va terma jamoa bilan barcha musobaqalarda g‘alaba qozonib, maydonda ham, uning tashqarisida ham insoniylik bilan ish tutsangiz-u, lekin buning natijasi bo‘lmasa... O‘shanda men uchun qiyin davrlar bo‘lgandi”, — deydi Riberi.
Eslatib o‘tamiz, 2013-yilgi “Oltin to‘p” sovrini Krishtianu Ronalduga topshirilgandi. Ikkinchi o‘rinni esa Lionel Messi egallagan.
37 yoshli Riberi 2019-yildan beri “Fiorentina” sharafani himoya qilmoqda. Ushbu mavsumda u Italiya A Seriyasining 11 uchrashuvida 2 ta gol urgan va xuddi shuncha assistga mualliflik qilgan.
Mavzuga doir: Chandiqli kishi. 2 yoshida og‘ir YTHga uchragan, keyinchalik islomni qabul qilgan Frank Riberi haqida
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)