Toshkentning Mirzo Ulug‘bek tumani Mirzo Ulug‘bek ko‘chasida Mercedes-Benz bilan to‘qnashgan Nexia-3’da yong‘in sodir bo‘ldi.
Poytaxt IIBB matbuot xizmatining xabar berishicha, voqea 19-iyun, juma kuni soat 08:50 da sodir bo‘lgan. Nexia-3 haydovchisi 28 yoshli D.M. masofa saqlamaganligi sababli 36 yoshli A.D. boshqaruvidagi Mercedes-Benz bilan to‘qnashgan.
Oqibatda Nexia-3’da yong‘in chiqqan va o‘t o‘chiruvchilar tomonidan bartaraf etilgan. Hodisa oqibatida tan jarohati olgan Nexia-3’ haydovchisi va 23 yoshli yo‘lovchisi D.I. shifoxonaga olib ketilgan.
Mazkur holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.
Izoh (0)