Govdeals auksioni orqali 22 yildan buyon 164,2 ming kilometr yo‘l bosgan Plymouth Grand Voyager sotuvga qo‘yildi. Eski minivenning o‘ziga xosligi — u Amerika maxsus xizmatiga tegishli bo‘lgan va yashirin kuzatuvlarda foydalanilgan. Avtomobil salonida kuzatish uchun mo‘ljallangan barcha jihozlar mavjud: periskopdan tortib televizorgacha, deb xabar beradi Motor.
Kassetali eski Sony videokamerasiga qaraganda miniven ichidagi jihozlar yangi emas. Mashina oynalari qoraytirilgan va maxsus panellar bilan himoyalangan bo‘lib, salonga quyosh nuri tushmaydi. Grand Voyager’ning oddiy avtomobillardan yagona farqi — tom qismida maxsus signalning mavjudligidir.
Miniven vaqt ta’sirida eskirgan. Uni xarid qiladigan inson ta’mirlash uchun yaxshigina sarmoya kiritishga majbur bo‘ladi. Sotuvchining ta’kidlashicha, u avtomobilga kerakli bo‘lgan barcha ehtiyot qismlarini qo‘shib berishga tayyor.
Minivenga 160 ot kuchiga ega 3,3 litrli V6 dvigateli o‘rnatilgan bo‘lib, u to‘rt pog‘onali avtomatik uzatmalar qutisi yordamida boshqariladi.
Boshlang‘ich narxi 500 dollar bo‘lgan mashina hozirda 2175 dollarga baholanmoqda.
Izoh (0)