AQSh prezidenti Donald Tramp 2020-yilning uchinchi choragiga borib mamlakatda YaIM insoniyat tarixidagi eng yuqori ko‘rsatkichga erishishini taxmin qildi. Amerika yetakchisi bu kabi prognozni The Washington Times gazetasiga bergan intervyusida bildirib o‘tgan.
“Uchinchi chorakda insoniyat tarixidagi eng yuqori YaIM o‘sishi kutilyapti. Ko‘rib turibsizki, barchasi joyiga tushyapti”, — deydi Tramp.
Shu bilan birga, Amerika yetakchisi YaIMning aynan qancha darajaga o‘sishi haqida gap ketayotganiga aniqlik kiritmagan.
10-iyun kuni AQSh Federal zaxira tizimi 2019-yilning dekabridan buyon birinchi bor AQSh iqtisodiyotiga bog‘liq prognozini e’lon qildi. Regulyator 2020-yilda mamlakat YaIMi 6,5 foizga o‘sishini prognoz qilmoqda. Yangilangan prognozga ko‘ra, Amerika iqtisodiyoti 2021-yilda 5 foizga, 2022-yilda esa 3,5 foizga o‘sadi.
Avvalroq Bank of America yil so‘ngida oxirgi iqtisodiy inqirozdan ham og‘ir damlar kelishini taxmin qilgandi.
Izoh (0)