Xitoy Kasalliklarni nazorat qilish va oldini olish markazi mutaxassislari o‘tgan haftada Pekindagi ulgurji bozorda aniqlangan COVID-19 infeksiyasining genom ma’lumotlarini aniqladi. Bu haqda “RBK” xabar berdi.
Ma’lum qilinishicha, markaz tomonidan Pekinda kasallangan bemorda va “Sinfadi” bozoridagi tashqi muhitda aniqlangan virusning genom ma’lumotlari ochilgan.
Mutaxassislar bozordagi epidemiologik vaziyat va virusning genomi haqidagi ma’lumotlarni Jahon sog‘liqni saqlash tashkilotiga va Gripp haqidagi barcha ma’lumotlarni almashish bo‘yicha xalqaro tashabbusga (GISAID) xalqaro jamoatchilikning umumiy foydalanishi uchun jo‘natgan.
Pekindagi “Sinfadi” ulgurji bozorida virus 12-iyun kuni aniqlangan. Go‘sht mahsulotlarini tadqiq qilish bosh markazining ikki nafar xodimida koronavirus aniqlangach, savdo zali yopilgan, bozor atrofidagi hududda esa qattiq nazorat choralari joriy qilingan.
Avvalroq Pekinda aniqlangan koronavirus Uxandagisidan xavfliroq bo‘lishi mumkinligi aytilgandi. Pekinda koronavirus epidemiyasi avj ola boshlagani tufayli shahardan chiqish taqiqlab qo‘yildi.
Mavzuga doir: Ekspert Pekinning COVID-19 borasida “ikkinchi Uxan” bo‘lish yoki bo‘lmasligiga baho berdi
Shanxaydagi pnevmoniyani davolash bo‘yicha ekspertlar guruhi rahbari Chjan Venxun 2020-yilning noyabr oyida XItoyda koronavirusning ikkinchi to‘lqini yuz berishi mumkinligini taxmin qilgandi. Venxunning so‘zlariga ko‘ra, koronavirus past haroratga nisbatan yaxshi moslashgan, shu sababli u qishda tezroq tarqaladi. Mutaxassisning fikricha, ikkinchi to‘lqin birinchi to‘lqin kabi tezkor bo‘lmaydi.
Izoh (0)