O‘zbekistonda mavjud 7,192 milliondan ortiq xonadonning 300 mingga yaqini yoki 4,1 foizi ehtiyojmand xonadon hisoblanadi. Ushbu xonadonlarning ro‘yxatlari mahalliy Kengashlarning qarorlari bilan tasdiqlangan. Bu haqda 19-may, juma kuni bo‘lib o‘tgan Senatining beshinchi yalpi majlisida ma’lum qilindi.
Senat raisi Tanzila Norboyevaning ta’kidlashicha, pandemiya sababli mamlakat iqtisodiy qiyinchiliklarni boshidan kechirayotganligiga qaramasdan, aholini ijtimoiy qo‘llab-quvvatlash ustuvor yo‘nalishlardan biri sifatida belgilandi. Kam ta’minlangan ehtiyojmand aholi ro‘yxati shakllantirilib, ularni kambag‘allikdan chiqarish bo‘yicha amaliy choralar ko‘rilmoqda.
Qayd etilishicha, tadbirkorlik bilan shug‘ullanish imkoniyatlari yanada kengaytirilmoqda. Amaldagi ko‘plab talab va cheklovlar qayta ko‘rib chiqilib, soddalashtirilmoqda, katta imtiyozlar berilmoqda. Buning natijasida 500 mingdan ziyod tadbirkorlik subyekti va 8 milliondan ortiq fuqaroga qariyb 30 trillion so‘mlik imtiyoz va preferensiyalar berildi.Eslatib o‘tamiz, 2020-yil yakuniga qadar Andijonda 40 724 ta oilani, Farg‘onada 43 mingta oilani kambag‘allikdan chiqarish, O‘zbekistonda sanoat sohasida 145 ming kambag‘al aholini ishga joylashtirish rejalashtirilgan. 8-iyun kuni qabul qilingan “Tadbirkorlik faoliyati va o‘zini o‘zi band qilishni davlat tomonidan tartibga solishni soddalashtirish chora-tadbirlari to‘g‘risida”gi Prezident qaroriga muvofiq, o‘zini o‘zi band qiluvchi faoliyat turlari soni 24 tadan 67 taga ko‘paytirildi.
Izoh (0)