19-iyun kuni Oliy Majlis Senati beshinchi yalpi majlisida O‘zbekistonning Isroil davlatiga favqulodda va muxtor elchisi lavozimiga tayinlash to‘g‘risidagi masala ko‘rib chiqildi.
Senatorlar Feruza Mahmudovani O‘zbekistonning Isroildagi favqulodda va muxtor elchisi lavozimiga tayinlash to‘g‘risida qaror qabul qildi.
Parlament yuqori palatasi raisi Tanzila Norboyeva shu kunga qadar O‘zbekistonda 130 dan ziyod xorijiy davlatlar bilan diplomatik aloqalar o‘rnatgan bo‘lsa, ularda hali birorta ayol elchi tayinlanmaganini ta’kidlagan.
“Feruza Yo‘ldoshevna mustaqil O‘zbekistonning birinchi ayol elchisi sifatida tarixda qoladi. Bu sharaf bo‘lishi bilan birga, ulkan mas’uliyat hamdir. Qolaversa, uning bunday mas’uliyatli lavozimga loyiq topilgani mamlakatimizda ayollarga bo‘lgan yuksak ishonch va e’tirof namunasidir. Ishonamizki, bunday e’tibor va e’tirofga bundan keyin ham ko‘p marotaba guvoh bo‘lamiz. Zero, o‘zbek ayollari bunga munosibdir”, — degan Senat raisi.
Izoh: Ushbu xabarning dastlabki tahriri “O‘zbekistonda birinchi bor ayol kishi elchi etib tayinlandi” degan sarlavha bilan e’lon qilingan edi. Lekin bu ta’kid xato — Feruza Mahmudova O‘zbekiston tarixidagi ilk ayol elchi emas.
Mavzuga doir:
- Zulayho Mahkamova To‘raqo‘rg‘on tumaniga hokim etib tayinlandi. U O‘zbekistondagi beshinchi ayol hokim bo‘ldi
- Maqsuda Mustafoyeva Qarshi tumani hokimi etib tayinlandi
- Andijonning Bo‘ston tumaniga Sadbarxon Mamitova hokim bo‘ldi. U Jalaquduqqa 12 yil hokimlik qilgan ayolning shogirdi hisoblanadi
- Nargiza Ne’matova Olot tumaniga hokim bo‘ldi. U so‘nggi 10 kunda hokim etib tayinlangan ikkinchi ayol bo‘ldi
- Boyovut tumaniga ayol kishi hokim etib tayinlandi
Izoh (0)