O‘zbekistonda 2020-yilning yanvar—may oylarida jami 31,5 trillion so‘mlik qurilish ishlari bajarildi. O‘sish sur’ati 2019-yilning mos davriga nisbatan 98,2 foizni tashkil etdi. Bu haqda Davlat statistika qo‘mitasi hisobotida ma’lum qilingan.
Hisobotda qayd etilishicha, 2020-yil 1-iyun holatiga ko‘ra, qurilish sohasidagi korxona va tashkilotlar soni 38,3 mingtani tashkil etib, o‘tgan yilning mos davriga nisbatan 6,5 mingtaga ko‘paygan.
Mavzuga doir: Shavkat Mirziyoyev karantin davrida qurilish hajmi kamayishiga yo‘l qo‘ymaslik zarurligini ta’kidladi
2020-yilning yanvar—may oylarida jami qurilish ishlari hajmi tarkibida yirik qurilish tashkilotlari tomonidan bajarilgan qurilish ishlari hajmi 8,1 trillion so‘mni tashkil etdi. Qurilish ishlari 2019-yilning mos davriga nisbatan 7,4 foizga ko‘p bajarilgan bo‘lib, jami qurilish ishlari hajmidagi ulushi 2019-yilning mos davridagi ko‘rsatkich darajasidan 2,2 foiz punktga ko‘payib, 25,8 foizni tashkil etgan.
Izoh (0)