Ўзбекистонда 2020 йилнинг январь—май ойларида жами 31,5 триллион сўмлик қурилиш ишлари бажарилди. Ўсиш суръати 2019 йилнинг мос даврига нисбатан 98,2 фоизни ташкил этди. Бу ҳақда Давлат статистика қўмитаси ҳисоботида маълум қилинган.
Ҳисоботда қайд этилишича, 2020 йил 1 июнь ҳолатига кўра, қурилиш соҳасидаги корхона ва ташкилотлар сони 38,3 мингтани ташкил этиб, ўтган йилнинг мос даврига нисбатан 6,5 мингтага кўпайган.
Мавзуга доир: Шавкат Мирзиёев карантин даврида қурилиш ҳажми камайишига йўл қўймаслик зарурлигини таъкидлади
2020 йилнинг январь—май ойларида жами қурилиш ишлари ҳажми таркибида йирик қурилиш ташкилотлари томонидан бажарилган қурилиш ишлари ҳажми 8,1 триллион сўмни ташкил этди. Қурилиш ишлари 2019 йилнинг мос даврига нисбатан 7,4 фоизга кўп бажарилган бўлиб, жами қурилиш ишлари ҳажмидаги улуши 2019 йилнинг мос давридаги кўрсаткич даражасидан 2,2 фоиз пунктга кўпайиб, 25,8 фоизни ташкил этган.
Изоҳ (0)