O‘zbekiston Senati raisi Tanzila Norboyeva 19-may, juma kuni bo‘lib o‘tgan Senatning beshinchi yalpi majlisida bolalarning ta’lim-tarbiyasi masalasida ota-onalarga murojaat qildi. Bu haqda Senat axborot xizmati xabar berdi.
“Avloniyning ‘Tarbiya biz uchun yo hayot — yo mamot, yo najot — yo halokat, yo saodat — yo falokat masalasidir’, degan so‘zlari ahamiyati bugun oshgan bo‘lsa oshganki, aslo pasaygan emas”, — dedi Tanzila Norboyeva.
Senat raisi o‘z murojaatida barcha o‘z farzandining ta’lim-tarbiyasi uchun mas’ulligini ta’kidladi hamda bugungi o‘quvchi ham, ota-onalar ham avvalgidek emasligini aytdi.
“Qo‘pol eshitilgani bilan aslida teran axloqiy ma’noga ega bo‘lgan ‘Eti sizniki, suyagi bizniki’, degan gaplarga, afsuski, eskilik sarqiti sifatida qaralmoqda. Maktablarda erkak o‘qituvchilarning kamayib ketgani ham katta muammo, aslida”, — dedi Senat raisi.Uning so‘zlariga ko‘ra, farzandining arzimagan shikoyati uchun maktabga yugurib kelib o‘qituvchiga “tashlanish”dan ko‘pchilik ota-onalar uyalmay qo‘ydi. Bu esa jamiyatda o‘qituvchi maqomining obro‘sizlanishiga olib kelmoqda.
Mavzuga doir: Sherzod Shermatov: maktablarda erkak o‘qituvchilar ko‘p bo‘lsa, tartib-intizom ham joyida bo‘ladi O‘zbekistonda 2018-yilda 13 ming nafar erkak o‘qituvchi maktablarga qaytdi
O‘qituvchi o‘quvchi yoki uning ota-onasi tomonidan oyoqosti qilinadigan odam emas, balki ziyo tarqatuvchi inson, kerak bo‘lsa, hammadan bir pog‘ona yuqori turuvchi shaxsdir”, — deya ta’kidladi Tanzila Norboyeva.
Uning qayd etishicha, qonunda javobgarlik belgilab qo‘yish bilan bu kabi muammolar o‘z-o‘zidan hal bo‘lib qolmaydi. Bu ijtimoiy ong darajasiga yetishi, umummilliy harakatga aylanishi kerak.
Mavzuga doir:
- O‘zbekiston maktablarida o‘qituvchilarning 30 foizini erkaklar tashkil etadi. Toshkent shahrida bu ko‘rsatkich 10 foizga teng
- Shavkat Mirziyoyev: O‘zbekiston sharoitida jamiyatdagi eng hurmatli inson — muallim
- Shavkat Mirziyoyev: O‘qituvchini moddiy rag‘batlantirmasak, islohot, natija haqida gapira olmaymiz
Izoh (0)