Amerikaning Apple korporatsiyasi 2019-yilda App Store’dagi mobil ilovalar 519 milliard dollar ishlab topganini ma’lum qildi. Bu kabi ma’lumotlar Analysis Group tomonidan o‘tkazilgan tekshiruv natijalarida keltirilgan.
Mazkur mablag‘larning 413 milliard dollari tovar va xizmatlarni xarid qilish hisobiga to‘g‘ri keladi.
Xususan, 268 milliard — chakana savdo (Target va Best Buy), sayohat uchun mo‘ljallangan dasturlar (Expedia va United) — 57 milliard, taksi servislari (Uber va Lyft) — 40 milliard hamda ovqat yetkazib berish xizmatlari (DoorDash va Grubhub) 31 milliard dollar ishlab topgan.
Raqamli tovalar va xizmatlardan keladigan daromad 2-o‘rinni egallagan. O‘tgan yili foydalanuvchilar o‘yinlar, kitoblar, fotomuharrir, musiqiy va videostriming mahsulotlarni xarid qilishga 61 milliard dollar sarflagan.
Mobil ilovalar ichidagi reklama va qo‘shimcha savdo kontentidan 45 milliard dollar ishlashga muvaffaq bo‘lingan. Ularning 20 milliardi o‘yinlar hisobiga to‘g‘ri keladi.
Apple’ning ta’kidlashicha, App Store’da ikki millionga yaqin mobil ilova mavjud. Har kuni ushbu do‘konga dunyoning 175 mamlakatidan 500 million odam tashrif buyuradi.
Avvalroq Apple kapitalizatsiyasi 1,5 trillion dollarlik marrani zabt etgani to‘g‘risida xabar berilgandi.
Izoh (0)