Amazon korporatsiyasi AQSh politsiya departamentiga insonlar yuzini tanishga qodir Amazon Rekognition texnologiyasidan foydalanishni bir yilga taqiqlab qo‘ydi.
Kompaniyaning ta’kidlashicha, bolalarni qidirish, odam savdosi qurbonlarini qutqarish, yo‘qolgan insonlarni o‘z oilasi bilan birlashtirish yo‘lida shug‘ullanuvchilar texnologiyadan foydalanishni davom ettirishi mumkin.
Amazon’ning ma’lum qilishicha, kompaniya avvalroq yuzni tanuvchi texnologiyani boshqarishda hukumat darajasida ancha qattiq talablar belgilanishini so‘ragan. Kompaniyaning hisoblashicha, bir yillik moratoriy AQSh kongressiga shu turdagi qoidalarni o‘rnatishga yetarli bo‘ladi.
Amazon bu kabi taqiqni yuzni tanish texnologiyasi qora tanlilarga nisbatan qo‘llanilishi mumkinligi borasida huquq himoyachilaridan xavfsirab joriy etdi.
8-iyun kuni IBM kompaniyasi yuzni tanish va “ommaviy kuzatish, irqiy ajratish va bazaviy qoidalar hamda inson erkinligining buzilishi”da foydalaniladigan boshqa texnologiyalar uchun dasturiy ta’minot ishlab chiqarishdan bosh tortgan edi.
Mavzuga doir:
Izoh (0)