Samsung dunyodagi eng qayrilgan va qimmat monitorni taqdim etdi

Samsung kompaniyasi egilgan va juda qimmat turuvchi Odyssey G7 va G9 monitorlarini taqdim etdi, deb xabar beradi Hi-Tech.Mail.ru.

Yangi Samsung Odyssey monitorlar lineykasi kvant nuqtalariga ega QLED matritsasida ishlaydi — ular egilgan displey sabab kompyuter o‘yinlarini maroq bilan o‘ynashga xizmat qiladi.

Odyssey G9 tomonlar nisbati 32:9 va piksellar soni 5120x1440 bo‘lgan 49 dyuymli bozordagi eng egilgan displeyga aylandi. U 1000 kd/metr kvadrat yorug‘likni qo‘llab-quvvatlaydi va HDR1000 standarti bo‘yicha sertifikatga ega. Korpusga 52 xil rangni taniy oladigan yoritish tizimi o‘rnatilgan.

O‘lchami va egilgani sabab ushbu monitor juda qimmat turadi — 1700 dollar. Bu pulga premium sinfiga oid OLED displey xarid qilish mumkin.

Odyssey G7 biroz oddiy monitorga o‘xshaydi — uning diagonallari 27 yoki 32 dyuym va tomonlar nisbati 16:9. Yorug‘ligi ham pastroq (600 kd/metr kvadratgacha) va piksellari soni 2560x1440 ni tashkil etadi. Shuningdek, u ham biroz egilgan va o‘yin uchun mo‘ljallangan funksiyalarni qo‘llab-quvvatlaydi.

27 dyuymli G7 monitor narxi 700 dollar bo‘lsa, 32 dyuymlisi 800 dollardan sotilmoqda. Monitorlarni hozirda AQSh va boshqa ko‘plab davlatlarda oldindan buyurtma qilish mumkin.