AQShning Illinoys shtati Olton shahrida yashovchi Stiv Eymon 97 yil oldin yo‘qotilgan tilla uzukni topib oldi. Bu haqda “Korrespondent.net” xabar berdi.
Ma’lum bo‘lishicha, uzuk Ikkinchi jahon urushida ishtirok etgan harbiy akademiya bitiruvchisiga tegishli bo‘lgan.
Eymon bog‘da metallodetektor bilan aylanib yurganida 10 qirotli oltindan yasalgan uzukni topib oldi.
Amerikalik erkak 1923-yilda ishlangan uzuk xususiy harbiy akademiya bitiruvchisi Mervin Vollega tegishli ekanligini aniqladi. Volleni o‘qishni bitirganidan so‘ng Ikkinchi jahon urushiga yuborishgan. U Kaliforniyada halok bo‘lgan.
Shuningdek, Eymon uzuk egasi uylanib, farzandli bo‘lganini ham aniqladi. Endi xazina izlovchi Vollening farzandini topib, otasining uzugini unga yetkazmoqchi.
Izoh (0)