Shveysariyada uch kilogramm oltin solingan qopni poyezdda unutib qoldirgan inson qidirilmoqda, deb yozadi “Korrespondent.net”.
Qayd etilishicha, Sankt-Gallen va Lyutsern shaharlari o‘rtasida harakatlangan poyezdda noma’lum yo‘lovchi uch kilo qimmatbaho metall solingan qopni unutib qoldirgan. U 152 ming funt sterlingga baholanmoqda.
Oltin solingan qopni 2019-yilning oktabrida topib olishgandi. O‘tgan vaqt mobaynida mamlakat hukumati oltin egasini izlab topishga urindi, biroq urinishlar samarasiz yakunlandi.
Qopni unutib qoldirgan erkak oltinning haqiqiy egasi ekanligini qanday isbotlashi kerakligi aytilmagan. Yo‘lovchi oltinni olib ketishi uchun unga besh yil muhlat beriladi.
Izoh (0)