АҚШнинг Иллинойс штати Олтон шаҳрида яшовчи Стив Эймон 97 йил олдин йўқотилган тилла узукни топиб олди. Бу ҳақда «Korrespondent.net» хабар берди.
Маълум бўлишича, узук Иккинчи жаҳон урушида иштирок этган ҳарбий академия битирувчисига тегишли бўлган.
Эймон боғда металлодетектор билан айланиб юрганида 10 қиротли олтиндан ясалган узукни топиб олди.
Америкалик эркак 1923 йилда ишланган узук хусусий ҳарбий академия битирувчиси Мервин Воллега тегишли эканлигини аниқлади. Воллени ўқишни битирганидан сўнг Иккинчи жаҳон урушига юборишган. У Калифорнияда ҳалок бўлган.
Шунингдек, Эймон узук эгаси уйланиб, фарзандли бўлганини ҳам аниқлади. Энди хазина изловчи Волленинг фарзандини топиб, отасининг узугини унга етказмоқчи.
Изоҳ (0)