Internetda lazgiga raqsga tushuvchi tuyaqush videosi tarqaldi. Unda Hulkar Abdullayevaning “Qora parang” qo‘shig‘iga berilib o‘ynayotgan tuyaqushni ko‘rish mumkin. “O‘zbekiston 24” telekanalining “Yangiliklar 24” dasturi ijodkorlari Xorazm viloyatiga borib, ushbu tuyaqush va uni boquvchi tadbirkorni izlab topdi.
Ma’lum bo‘lishicha, ushbu tuyaqush Xorazm viloyati Bog‘ot tumanida yashovchi Ilhom Vafoyevning fermasida boqiladi. Tadbirkorning aytishicha, ertalab telefonidan lazgi musiqasini qo‘yganida tuyaqush raqsga tusha boshlagan. Lavhada Ilhom Vafoyev tuyaqush boqishga televizor orqali ma’lumot olib, qiziqib qolgani, bir yilda bitta tuyaqushdan 50-60 million so‘m daromad qilishini aytgan. U hozirda sakkizta tuyaqushni boqmoqda.
Izoh (0)