AQShning Frankfurt shahridagi ishchilar Amerika konfederativ shtatlarining birinchi va yagona prezidentiga atab o‘rnatilgan haykalni boshqa joyga ko‘chirdi. Haykalni joyidan ko‘chirish vaqtida uning ichiga solib qo‘yilgan kutilmagan topilmaga duch kelingan, deb xabar beradi New York Post.
Haykal ichidan 1936-yilgi Glenmore Kentucks burboni shishasi (viski turi) va State Journal gazetasining 1936-yil 20-oktabrda chop etilgan soni topilgan — monument aynan shu kunda o‘rnatilgan.
Bu kabi syurprizni kim va nima sababdan qoldirgani noma’lum.
Ta’kidlanishicha, AQShda irqchilik va politsiya zo‘ravonligiga qarshi o‘tkazilayotgan norozilik namoyishlarida Fuqarolik urushi davrida Janubdagi quldorlar tarafida turib jang qilgan arboblarga atab o‘rnatilgan haykallar buzib tashlanmoqda.
Avvalroq AQSh shaharlarida Xristofor Kolumbning haykallari vandallar hujumiga uchrayotgani to‘g‘risida xabar berilgandi.
Eslatib o‘tamiz, may oyi oxirida afroamerikalik Jorj Floydni Minneapolisda politsiya xodimlari qo‘lga olgan va ko‘chada bir nafar xodim tomonidan tizza bilan bo‘g‘ib qiynoqqa solingan, yakunda Floyd kasalxonada vafot etgan. Uning o‘limi AQSh hamda Yevropada irqchilik va ijtimoiy tengsizlik muammolariga qarshi norozilik namoyishlarining boshlanishiga turtki bo‘ldi.
Izoh (0)