Kaliforniya universiteti professori Gordon Klyayn qora tanli talabalarni imtihonlardan ozod etishni istamagani uchun uch haftaga ishdan chetlatildi, deb yozadi Daily Mail.
Gordon 39 yillik pedagoglik stajiga ega.
Klyayn afroamerikalik talabalaridan Jorj Floydning o‘limi fonida o‘zlariga alohida e’tibor berishni so‘rab yozilgan xat oldi. Talabalar o‘z qora tanli kursdoshlarini qo‘llab-quvvatlayotgani uchun o‘qishga vaqt ajratolmayotganini yozgan.
Gordon Klyayn talabalariga afroamerikaliklar huquqlarini himoya qiluvchi harakat rahbari Martin Lyuterning so‘zlaridan iqtibos keltirib javob berdi:
“Shunday orzum bor: Bir kuni farzandlarim ularning qora tanli bo‘lgani uchun emas, balki insoniy fazilatlariga qarab munosabat bildiriladigan jamiyatda yashaydi”.
Shuningdek, Klyayn agar talaba yarim amerikalik, yarim afrikalik bo‘lsa, u bilan qanday yo‘l tutishi kerakligini ham so‘ragan. “Ularni imtihonlardan qisman ozod etaymi? Yoki butunlaymi?”, — deb so‘ragan professor.
Ilojsiz qolgan talabalar ijtimoiy tarmoqlarga o‘qituvchi bilan yozishmani tarqatib yuborgan hamda uning universitetdan bo‘shatilishini so‘rab, petitsiya joriy qilgan.
Ijtimoiy tarmoqlar foydalanuvchilari professorning javobini ayni vaziyat fonida o‘ta qo‘pol va irqchilik ruhida deb baholagan.
Petitsiyani qariyb 20 ming kishi imzolagan, professorga esa turli tahdidlar bo‘la boshlagan. Politsiyachilar hozirda Gordon Klyaynning uyini qo‘riqlamoqda.
Izoh (0)