Sardoba suv omborida sodir bo‘lgan texnogen hodisadan talafot ko‘rgan hududlarga Turkiyadan yuborilgan insonparvarlik yordami 6 ta yuk mashinasi (fura) avto-karvoni Sirdaryo viloyatiga yetib keldi. Bu haqda viloyat hokimligi axborot xizmati xabar qilgan.
Xabarga ko‘ra Turkiyaning O‘zbekistondagi favqulodda va muxtor elchisi Mexmet Sureyya Er hamda TIKA hamkorlik va muvofiqlashtirish agentligi rahbari Jamaliddin Tuney boshchiligidagi delegatsiyasi Guliston shahar “Bilimdonlar maskani”da Sirdaryo viloyati hokimi G‘ofurjon Mirzayev, viloyat hokimi o‘rinbosari Doniyar Madrimov, viloyat prokurori Ravshan Masharipov hamda mehnat faxriylari tomonidan kutib olingan.
Turkiyadan Sardoba suv omborida sodir bo‘lgan texnogen hodisasi tufayli talafot ko‘rgan hududlardagi qad tiklayotgan yangi zamonaviy uylar, qayta rekonstruksiya qilinayotgan xonadonlar egalariga 4000 dona yotoqxonalar uchun komplekt (matrass, ko‘rpa, yostiq, choyshablar) olib kelingan.
Mavzuga doir: AQSh Sirdaryoda toshqindan zarar ko‘rgan oilalar uchun insonparvarlik yordami yetkazib berdi (foto)
Qayd etilishicha viloyat hokimi uchrashuv yakunida Turkiyaning O‘zbekistondagi favqulodda va muxtor elchisi Mehmet Sureyya Erga O‘zbek milliy san’at miniatyura asarini sovg‘a qilgan.
Izoh (0)