Сардоба сув омборида содир бўлган техноген ҳодисадан талафот кўрган ҳудудларга Туркиядан юборилган инсонпарварлик ёрдами 6 та юк машинаси (фура) авто-карвони Сирдарё вилоятига етиб келди. Бу ҳақда вилоят ҳокимлиги ахборот хизмати хабар қилган.
Хабарга кўра Туркиянинг Ўзбекистондаги фавқулодда ва мухтор элчиси Мехмет Сурейя Эр ҳамда TIKA ҳамкорлик ва мувофиқлаштириш агентлиги раҳбари Жамалиддин Туней бошчилигидаги делегацияси Гулистон шаҳар «Билимдонлар маскани»да Сирдарё вилояти ҳокими Ғофуржон Мирзаев, вилоят ҳокими ўринбосари Донияр Мадримов, вилоят прокурори Равшан Машарипов ҳамда меҳнат фахрийлари томонидан кутиб олинган.
Туркиядан Сардоба сув омборида содир бўлган техноген ҳодисаси туфайли талафот кўрган ҳудудлардаги қад тиклаётган янги замонавий уйлар, қайта реконструкция қилинаётган хонадонлар эгаларига 4000 дона ётоқхоналар учун комплект (матрасс, кўрпа, ёстиқ, чойшаблар) олиб келинган.
Мавзуга доир: АҚШ Сирдарёда тошқиндан зарар кўрган оилалар учун инсонпарварлик ёрдами етказиб берди (фото)
Қайд этилишича вилоят ҳокими учрашув якунида Туркиянинг Ўзбекистондаги фавқулодда ва мухтор элчиси Меҳмет Сурейя Эрга Ўзбек миллий санъат миниатюра асарини совға қилган.
Изоҳ (0)