IIV huzuridagi tergov departamenti Toshkent viloyati Qibray tumanida yashovchi 67 yoshli Q.T.ning xonadonida ko‘plab patronlar, gilzalar, porox, drob va boshqa o‘q dori yasash detallarini saqlab kelganini aniqladi.
Qayd etilishicha, 2020-yil 7-iyun kuni soat 15:30 da IIB xodimlari tomonidan o‘tkazilgan tezkor qidiruv tadbirida, Qibray tumanida yashovchi 67 yoshli Q.T. xonadonida noqonuniy ravishda saqlab kelingan o‘q dorilar topilgan.
Q.T.ning uyidan 19 dona 12x76 kalibrli ichi to‘ldirilgan butun holdagi patronlar, 9 dona 12x76 kalibrli gilzalar, ikki xil turdagi og‘irligi taxminan 100 grammga teng yonuvchi kukun (porox) va har xil turdagi vazni taxminan 1,5 kilogrammni tashkil qiluvchi drob, shuningdek o‘q dori yasash uchun mo‘ljallangan 8 turdagi detal va moddalar xolislar ishtirokida ashyoviy dalil tariqasida rasmiylashtirib olingan.
Mavzuga doir:
Sud ballistik ekspertiza xulosasida fuqaro Q.T.ning uyidan olingan patronlar otish uchun yaroqli, gilzalar esa otish uchun yaroqsiz ekanligi oydinlashgan.
Izoh (0)