PSJ klubi yozgi transferlar vaqtida “Latsio” klubi yarim himoyachisi Sergey Milinkovich-Savichni sotib olishni o‘z oldiga asosiy maqsad qilib qo‘ydi. Bu haqida The Sun xabar bermoqda.
Ta’kidlanishicha, Rim klubi parijliklarning 60 million yevrolik taklifini rad etgan. Tomonlar yaxshilangan shartlar asosida kelishuvga erishishi mumkinligi aytilmoqda.
25 yoshli serbiyalik futbolchi uchun ayni damda “Real”, “Yuventus”, “Barselona” va “Manchester Yunayted” ham qiziqish bildirmoqda.
Ma’lumot uchun, 2019/20-yilgi mavsum Milinkovich-Savich “Latsio” safida 31 ta o‘yin o‘tkazib, beshta gol urdi va yettita golli uzatmani amalga oshirdi. Transfermarkt portali futbolchini 64 million yevroga baholamoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)