14-iyun soat 18:40 da Toshkent shahrining Sergeli tumanida joylashgan “Toshkent mintaqaviy paxta terminali” MChJga qarashli omborxonada yong‘in sodir bo‘ldi. Bu haqda Favqulodda vaziyatlar vazirligi xabar berdi.
Ma’lumotlarga ko‘ra, Xonobod ko‘chasi 4-uyda joylashgan MChJning 1500 kvadrat metr maydoni yong‘in natijasida zarar ko‘rgan.
Ta’kidlanishicha, yong‘in qutqaruv bo‘limlari manzilga soat 18:45 da yetib borgan va ko‘rilgan tezkor choralar natijasida yong‘in soat 21:23 da to‘liq bartaraf etilgan. Omborxonaning 2100 metr kvadrat maydoni saqlab qolingan.
Yong‘in joyiga 9 ta maxsus yong‘in o‘chirish texnikalari jalb qilingan. Yong‘in sabablari va yong‘indan keltirilgan moddiy zarar miqdori aniqlanmoqda.
Avvalroq Andijon viloyati Xo‘jabod tumanidagi tikuv sexida yong‘in sodir bo‘lgani to‘g‘risida xabar berilgandi.
Izoh (0)