14 июнь соат 18:40 да Тошкент шаҳрининг Сергели туманида жойлашган «Тошкент минтақавий пахта терминали» МЧЖга қарашли омборхонада ёнғин содир бўлди. Бу ҳақда Фавқулодда вазиятлар вазирлиги хабар берди.
Маълумотларга кўра, Хонобод кўчаси 4-уйда жойлашган МЧЖнинг 1500 квадрат метр майдони ёнғин натижасида зарар кўрган.
Таъкидланишича, ёнғин қутқарув бўлимлари манзилга соат 18:45 да етиб борган ва кўрилган тезкор чоралар натижасида ёнғин соат 21:23 да тўлиқ бартараф этилган. Омборхонанинг 2100 метр квадрат майдони сақлаб қолинган.
Ёнғин жойига 9 та махсус ёнғин ўчириш техникалари жалб қилинган. Ёнғин сабаблари ва ёнғиндан келтирилган моддий зарар миқдори аниқланмоқда.
Аввалроқ Андижон вилояти Хўжабод туманидаги тикув цехида ёнғин содир бўлгани тўғрисида хабар берилганди.
Изоҳ (0)