O‘ta yengil vazn toifasida GFC chempioni Umar Nurmagomedov 25-iyul kuni Abu-Dabidagi “Jangchilar orolida” kim bilan kuch sinashishini bilib oldi, deya xabar beradi MMA Junkie.
Manbaga ko‘ra, Nurmagomedov angliyalik Nataniel Vudga qarshi oktagonga ko‘tariladi.
Dastlab Umarning raqibi Hanter Azur bo‘lishi kerak edi. Ammo koronavirus pandemiyasi tufayli UFC 249 musobaqasi bekor qilindi va jang noma’lum muddatga qoldirildi.
Avvalroq Umar Nurmagomedovning UFC’dagi debyut jangining sanasi va joyi haqida xabar berilgandi.
Ma’lumot uchun, Nurmagomedov aralash jang san’atlarida (MMA) umumiy hisobda 12 ta jang o‘tkazib, ularning barchasida g‘alaba qozongan.
U so‘nggi bor Toshkentda o‘tgan GFC 20 kechasida Brayan Gonsalesni mag‘lub etib, chempionlik kamarini himoya qilgandi. Jangdan so‘ng Umar UFC’da debyut qilmoqchi ekanini ma’lum qilgandi.
Izoh (0)