“Yuventus” 12-iyun, juma kuni Italiya kubogi 1/2 finalidan o‘rin olgan javob uchrashuvi doirasida “Milan”ga qarshi bahs olib bordi.
O‘yin 0:0 hisobida yakunlangan bo‘lsa-da, “Yuventus” birinchi uchrashuvda (1:1) mehmonda urilgan gol evaziga final yo‘llanmasini qo‘lga kiritdi.
Turin klubi uchun bu musobaqa tarixidagi 19-final bo‘ladi. Shu tariqa “Yuventus” o‘z rekordini yangiladi. Ushbu ko‘rsatkich bo‘yicha ikkinchi o‘rinda 16 ta yo‘llanma bilan “Roma” bormoqda.
Finalda “keksa sinyora” “Inter” — “Napoli” uchrashuvi g‘olibi bilan duch keladi. Ushbu jamoalarning birinchi o‘yinida “Napoli” kichik hisobda g‘alaba (1:0) qozongan. Javob uchrashuvi 13-iyun, shanba kuni bo‘lib o‘tadi.
Izoh (0)