Kataloniyaning “Barselona” klubi hujumchisi Lionel Messi majburiy tanaffusdan so‘ng maydonga qaytishdagi taassurotlari bilan o‘rtoqlashdi.
“Futbol o‘ynay olmaslik meni chuqur o‘yga tolishga majbur qildi. O‘zimni boshqa har qanday futbolchi kabi his qildim. Men shunchaki futbol o‘ynashni xohlayman. Futbol o‘ynash — in’om, sizni ko‘plab odamlar qo‘llab-quvvatlashi esa bundan ham ko‘proqdir.
Futbol — bu boshqalarni ilhomlantirishing va o‘zing ham undan ilhom olishing mumkin bo‘lgan imkoniyat. Va ehtimol, bu bizga berilgan narsalar ichida boshqalar uchun quvonch yaratish mumkin bo‘lgan eng katta in’omdir. Futbol qaytmoqda va men yana tayyorman”, — deydi Messi o‘zining Instagram’dagi sahifasida.
Eslatib o‘tamiz, “Barselona” La Liganing 28-turida “Malyorka” maydoniga safar qiladi. Uchrashuv 13-iyundan 14-iyunga o‘tar kechasi Toshkent vaqti bilan soat 01:00 start oladi.
Izoh (0)