Boks bo‘yicha og‘ir vazn toifasida Jahon chempioni Entoni Joshuaning promouteri Eddi Hirn bokschining jarohat orttirib olgani haqida gapirdi.
“Qo‘ltiqtayoqda yurish har doim ham yomon bo‘lgan. Ammo bu jarohat Joshuaning 2020-yilgi rejalari va uning keyingi faoliyatiga ta’sir o‘tkazmaydi.
Joshua, taxminan, 3-4 hafta davomida oyog‘iga fiksator bilan yuradi. Bu Entoning mashg‘ulotlarga qaytishi uchun ishonch hosil qilishda muhim ahamiyat kasb etadi.
Joshua tizzasining ichki qismini shikastlab olgan. Shukurki, operatsiya qilishga hojat yo‘q. Keyingi bir necha hafta ichida Joshua yugurmaydi va og‘ir mashqlarni bajarmay turadi”, — deydi Hirn.
Ma’lumot uchun, britaniyalik bokschi professional boksdagi faoliyati davomida 24 ta jang o‘tkazib, shulardan 23 tasida g‘alaba (21 nokaut) qozongan. Yana bir bahsda esa imkoniyatni boy berib qo‘ygan.
Mavzuga doir:
Izoh (0)