Ўта енгил вазн тоифасида GFC чемпиони Умар Нурмагомедов 25 июль куни Абу-Дабидаги «Жангчилар оролида» ким билан куч синашишини билиб олди, дея хабар беради MMA Junkie.
Манбага кўра, Нурмагомедов англиялик Натаниэл Вудга қарши октагонга кўтарилади.
Дастлаб Умарнинг рақиби Ҳантер Азур бўлиши керак эди. Аммо коронавирус пандемияси туфайли UFC 249 мусобақаси бекор қилинди ва жанг номаълум муддатга қолдирилди.
Аввалроқ Умар Нурмагомедовнинг UFC’даги дебют жангининг санаси ва жойи ҳақида хабар берилганди.
Маълумот учун, Нурмагомедов аралаш жанг санъатларида (MMA) умумий ҳисобда 12 та жанг ўтказиб, уларнинг барчасида ғалаба қозонган.
У сўнгги бор Тошкентда ўтган GFC 20 кечасида Брайан Гонсалесни мағлуб этиб, чемпионлик камарини ҳимоя қилганди. Жангдан сўнг Умар UFC’да дебют қилмоқчи эканини маълум қилганди.
Изоҳ (0)