O‘zbekistonda bir kechada 78 kishida koronavirus aniqlandi. Jami kasallanish holatlari soni 4800 dan oshdi

O‘zbekistonda 12-iyun soat 10:00 holatiga ko‘ra koronavirusga chalinganlar soni 78 kishiga ko‘payib, 4819 nafarga yetdi, deya xabar bermoqda Sog‘liqni saqlash vazirligi.

Yangi kasallanish holatlari:

• 66 nafari karantin markazidagi fuqarolar orasida;
• 5 nafari Sirdaryo viloyatida (shundan 4 nafari koronavirusga chalinganlar bilan muloqotda bo‘lib karantinga olingan, 1 nafari esa xalqaro yuk tashuvchi avtomashina haydovchisi);
• 5 nafari Buxoro viloyatida aholi orasida;
• 2 nafari Samarqand viloyati Urgut tumanida aholi orasida aniqlangan.

Ma’lumot uchun, O‘zbekistonda hozirgacha 3637 nafar koronavirus infeksiyasiga chalingan fuqaro sog‘aygan, 19 nafar bemor esa kasallik asoratlari oqibatida vafot etgan.