Ispaniyaning Marca nashri XXI asrning eng yaxshi erkak sportchilari reytingini tuzib chiqdi.
Unga ko‘ra, birinchi o‘rin suzish sport turi bo‘yicha 23 karra Olimpiada chempioni, amerikalik Maykl Felpsga berildi.
Qisqa masofaga yugurish bo‘yicha Olimpiya o‘yinlari chempioni va jahon rekdordi sohibi Useyn Bolt (Yamayka) ikkinchi o‘rindan joy olgan bo‘lsa, tennis bo‘yicha “Ulkan toj” tasnifidagi musobaqalarda 20 bor g‘olib bo‘lgan Rojer Federer kuchli uchlikni yakunlab berdi.
So‘nggi yillarning eng yaxshi futbolchilari — Lionel Messi va Krishtianu Ronaldu kuchli o‘nlikdan joy oldi. “Barselona” hujumchisi 7-o‘rinni qo‘lga kiritgan bo‘lsa, portugaliyalik forvard 10-pog‘onaga joylashtirildi.
Marca talqiniga ko‘ra XXI asrning top-10 sportchisi:
- Maykl Felps (suzish)
- Useyn Bolt (yugurish)
- Rojer Federer (tennis)
- Rafael Nadal (tennis)
- Kobe Brayant (basketbol)
- Tayger Vuds (golf)
- Lionel Messi (futbol)
- Lyuis Hemilton (avtopoyga)
- Valentino Rossi (motopoyga)
- Krishtianu Ronaldu (futbol)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)