Osiyo Futbol Konfederatsiyasi futzal bo‘yicha Osiyo chempionati, o‘smirlar o‘rtasidagi Osiyo chempionati hamda OChL bahslari o‘tkazilish sanalariga o‘zgartirish kiritilgani haqida ma’lum qildi, deya xabar bermoqda O‘FA rasmiy sayti.
“Unga ko‘ra, kattalar o‘rtasidagi futzal bo‘yicha Osiyo chempionati 4—15-noyabr kunlari Turkmanistonda bo‘lib o‘tadi.
Shuningdek, Bahraynda o‘tkaziladigan U-16 Osiyo chempionati 25-noyabr — 12-dekabr kunlariga ko‘chirildi.
Bundan tashqari, Osiyo chempionlar ligasi G‘arb mintaqasidagi guruh bosqichi va pley-off bahslari markazlashgan formatda sentabr oyida o‘tkaziladi. Ushbu uchrashuvlarga mezbonlik qiladigan mamlakat nomi keyinroq e’lon qilinishi ko‘zda tutilgan.
O‘zbekiston mezbonlik qiladigan U-19 Osiyo chempionati avval belgilanganidek 14—31-oktabr kunlari bo‘lib o‘tishi rejalashtirilgan.
O‘z navbatida, klublar o‘rtasidagi futzal bo‘yicha Osiyo chempionati sanasiga ham o‘zgartirish kiritilmagan va ushbu turnir BAAda 2—13-dekabr tashkil etiladi”, — deyiladi xabarda.
Futzal bo‘yicha Osiyo chempionati
4—15-noyabr | Turkmaniston
U-16 Osiyo chempionati
25-noyabr — 12-dekabr | Bahrayn
Osiyo Chempionlar Ligasi
Sentabr | guruh va pley-off bosqichi
2—3-noyabr | chorak final bosqichi
24-noyabr | yarim final bosqichi
5-dekabr | final
U-19 Osiyo chempionati
14—31-oktyabr | O‘zbekiston
Klublar o‘rtasidagi futzal bo‘yicha Osiyo chempionati
2—13-dekabr | BAA.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)