Испаниянинг Marca нашри XXI асрнинг энг яхши эркак спортчилари рейтингини тузиб чиқди.
Унга кўра, биринчи ўрин сузиш спорт тури бўйича 23 карра Олимпиада чемпиони, америкалик Майкл Фелпсга берилди.
Қисқа масофага югуриш бўйича Олимпия ўйинлари чемпиони ва жаҳон рекдорди соҳиби Усейн Болт (Ямайка) иккинчи ўриндан жой олган бўлса, теннис бўйича «Улкан тож» таснифидаги мусобақаларда 20 бор ғолиб бўлган Рожер Федерер кучли учликни якунлаб берди.
Сўнгги йилларнинг энг яхши футболчилари — Лионель Месси ва Криштиану Роналду кучли ўнликдан жой олди. «Барселона» ҳужумчиси 7-ўринни қўлга киритган бўлса, португалиялик форвард 10-поғонага жойлаштирилди.
Marca талқинига кўра XXI асрнинг топ-10 спортчиси:
- Майкл Фелпс (сузиш)
- Усейн Болт (югуриш)
- Рожер Федерер (теннис)
- Рафаэль Надаль (теннис)
- Кобе Брайант (баскетбол)
- Тайгер Вудс (гольф)
- Лионель Месси (футбол)
- Льюис Ҳемилтон (автопойга)
- Валентино Росси (мотопойга)
- Криштиану Роналду (футбол)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)