Ispaniyadagi oila kal dengiz cho‘chqachasini boqib oldi. Biroq bu mushuklar oilasi bo‘lmaganida yangilikning hech kimga qizig‘i qolmasdi, deb yozadi Esquire.
Luis laqabli olti oylik dengiz cho‘chqachasini Estepona shahrida o‘z egasi Oksana bilan yashaydigan to‘rtta sfinks zotiga mansub mushuklar oilasi boqib olgan.
“Mushuklar Luisni darhol oilasiga qabul qildi, ular cho‘chqachani o‘z akasidek ko‘radi. Sfinks mushuklari juda muloyim, mehribon va aqlli. Endi esa bizda Luis ham bor. U bizning oilamizga kulgi, tabassum va ko‘tarinki kayfiyat baxsh etadi”, — deydi Oksana.
Oksananing aytishicha, Luis mushuklar bilan divanda quchoqlashib yotadi yoki ularning ustiga chiqib oladi. U dengiz cho‘chqalari ijtimoiy moslashuvchan jonivor ekanligini hamda jamoada yashashni yaxshi ko‘rishini so‘zlab berdi.
Biroq Oksananing aytishicha, Luis Rango-Ramzes laqabli mushuk bilan unchalik kelisha olmaydi. Ushbu mushuk Luisdan qo‘rqadi.
Ma’lumot uchun, Dengiz cho‘chqachalari — cho‘chqachalar oilasining bir turi. Tanasining uzunligi 35 santimetrgacha, dumi kalta, tashqi tomondan ko‘rinmaydi. Orqa oyoq panjasi 3 barmoqli. 5-6 turi bor. Janubiy Amerikada yalangliklarda uchraydi. In kovlaydi yoki boshqa hayvonlar joyini egallaydi. Kechasi va shomda oziqlanishga chiqadi. Yil davomida ko‘payadi, bittadan to‘rttagacha bola tug‘adi. 8 yilga yaqin yashaydi.
Izoh (0)