Shahzoda Garrining begona yurtdagi hayoti “qo‘rqinchli tush”ga aylangani ma’lum qilindi

Qirollik oilasi tahlilchisi Rassel Mayersning ma’lum qilishicha, shahzoda Garri va Megan Marklning rejalari koronavirus pandemiyasi tufayli barbod bo‘lgan, deb yozadi “Korrespondent.net”.

Yelizaveta II ning kenja nevarasining hayoti esa “qo‘rqinchli tush”ga aylangan.

Mayersning aytishicha, gersoglar qirollik majburiyatlaridan voz kechganidan so‘ng katta rejalar bilan Britaniyani tark etgan edi.

Ular o‘z xayriya fondlarini ochishni, jamoat oldidagi chiqishlari bilan pul ishlashni rejalashtirgan, Megan Markl esa kinoga qaytishni orzu qilgan edi.

Biroq Los-Anjelesga ko‘chib ketganidan so‘ng er-xotinning umidlari koronavirus pandemiyasi tufayli amalga oshmagan.

Buning ustiga Rassel Mayersning ma’lum qilishicha, Garri begona yurtda o‘ziga munosib ish topa olmagan.

Jurnalistning aytishicha, shahzoda Britaniya qirollik flotidagi do‘stlari bilan bog‘lanib, o‘zini qirollik floti rahbari sifatidagi lavozimini saqlab qolishni so‘ragan.

Mayersning so‘zlariga ko‘ra, shahzoda oilasi bilan yarashishiga to‘g‘ri keladi.

Qayd etilishicha, er-xotin puldan ham qiynalmoqda.

Juftlikni hozircha shahzoda Charlz pul bilan ta’minlamoqda, biroq butun umr bunday davom etmaydi. Er-xotin o‘zlari ishlab, pul topishiga to‘g‘ri keladi.

Ular hozirda yashayotgan hashamatli uylari ijarasiga oyiga 20 million funt sterling, qo‘riqchilarga esa kuniga yetti ming funt sterling to‘laydi.

Rassel Mayersning fikriga ko‘ra, shahzoda Garri hozir juda qiynalmoqda. Unda psixologik muammolar ham kuzatilmoqda.

Megan esa hech qanday cheklovlarsiz ko‘chaga bemalol chiqish uchun karantin bekor qilinishini kutmoqda.