Amerikaning Buffalo shahrida istiqomat qiluvchi o‘smir mustaqil ravishda ommaviy norozilik namoyishlaridan so‘ng ko‘chalarda qolib ketgan chiqindilarni yig‘ib, orzusidagi mashinaga ega bo‘ldi, deb xabar qiladi WioNews.
Katta maktabning 18 yoshli o‘quvchisi Antonio Gvinn norozilik namoyishlaridan so‘ng, shahar ko‘chalari chiqindilarga to‘lib ketganini ko‘rgan. 1-iyunga o‘tar kechasi, u axlat solishga mo‘ljallangan “paket”larni xarid qilib, bir o‘zi ko‘chani supurishga kirishgan.
Ertasi kuni mahalliy aholidan tashkil topgan guruh ko‘chani tozalashga kelganida, Gvinn asosiy ishni qilib ulgurgan.
Gvinn haqidagi gap-so‘zlar tezda shahar bo‘ylab tarqalgani sabab, aholi unga minnatdorchilik bildirishga qaror qilgan. Mett Blok ismli fuqaro o‘smir haqidagi ma’lumotlarni o‘qib, o‘zining qizil Mustang’ini sovg‘a qilgan. 27 yoshli Blok yoshligidan shu kabi mashinasi bo‘lishini orzu qilgani, biroq oxirgi vaqtlarga kam foydalanayotganini so‘zlab bergan. U Facebook’da Gvinn qanaqa mashina xarid qilish to‘g‘risida odamlardan maslahat so‘rayotganini ko‘rgan va shu qarorga kelgan. Ma’lum bo‘lishicha, o‘smir xuddi shunday mashinaga ega bo‘lshni orzu qilgan.
Bob Brayslend ismli mahalliy biznesmen Blokning sovg‘asidan xabar topib, Gvinnga bir yillik tekin sug‘urta sovg‘a qilgan.
Gvinn maktabni tamomlagach, texnikumga o‘qishga kirib, kollej uchun pul jamg‘arish niyatida bo‘lgan. Uning qilgan ishidan xabar topgan Buffalodagi Medaille Collage unga to‘liq stipendiya taklif qilgan. U endi kuzdan boshlab tadbirkorlikka o‘qiydi. Gvinning yana bir orzusi — klining kompaniya ochish.
Izoh (0)