Испанияда мушуклар денгиз чўчқачасига ўз боласидек меҳрибонлик қилмоқда (фото)

Испаниядаги оила кал денгиз чўчқачасини боқиб олди. Бироқ бу мушуклар оиласи бўлмаганида янгиликнинг ҳеч кимга қизиғи қолмасди, деб ёзади Esquire.

Луис лақабли олти ойлик денгиз чўчқачасини Эстепона шаҳрида ўз эгаси Оксана билан яшайдиган тўртта сфинкс зотига мансуб мушуклар оиласи боқиб олган.

«Мушуклар Луисни дарҳол оиласига қабул қилди, улар чўчқачани ўз акасидек кўради. Сфинкс мушуклари жуда мулойим, меҳрибон ва ақлли. Энди эса бизда Луис ҳам бор. У бизнинг оиламизга кулги, табассум ва кўтаринки кайфият бахш этади»,  — дейди Оксана.

Оксананинг айтишича, Луис мушуклар билан диванда қучоқлашиб ётади ёки уларнинг устига чиқиб олади. У денгиз чўчқалари ижтимоий мослашувчан жонивор эканлигини ҳамда жамоада яшашни яхши кўришини сўзлаб берди.

Бироқ Оксананинг айтишича, Луис Ранго-Рамзес лақабли мушук билан унчалик келиша олмайди. Ушбу мушук Луисдан қўрқади.

Маълумот учун, Денгиз чўчқачалари — чўчқачалар оиласининг бир тури. Танасининг узунлиги 35 сантиметргача, думи калта, ташқи томондан кўринмайди. Орқа оёқ панжаси 3 бармоқли. 5-6 тури бор. Жанубий Америкада ялангликларда учрайди. Ин ковлайди ёки бошқа ҳайвонлар жойини эгаллайди. Кечаси ва шомда озиқланишга чиқади. Йил давомида кўпаяди, биттадан тўрттагача бола туғади. 8 йилга яқин яшайди.