Malayziyada 8 yoshli qizcha qovog‘ari chaqishidan vafot etdi, deb yozadi The Sun.
Qayd etilishicha, qizcha uch yoshli ukasi va boshqa bolalar bilan uy yaqinida o‘ynayotgan edi. Shunda ularga qovog‘arilar hujum qiladi. Qizchaning do‘stlari qochishga ulgurgan, uning o‘zi esa hasharotlarga qarshilik ko‘rsata olmay qolgan. Qovog‘arilar qizchani 65 marta chaqqan.
Qizchaning ukasi yugurib uyga kirgan va onasiga bo‘lgan voqea haqida so‘zlab bergan. Ayol zudlik bilan qizi va o‘g‘lini shifoxonaga olib borgan. Biroq shifokorlarning urinishiga qaramay qizcha shu kuni tunda vafot etgan.
Qayd etilishicha, qizchaning ichki organlari qovog‘arilar zahri ta’sirida o‘z funksiyasini bajara olmay qolgan.
Mavzuga doir: AQShda yirik qovog‘ari-qotillar paydo bo‘ldi
Izoh (0)